RSSDikhljaripe e nevipengo ko 17 00h
Žoj, 2. septembri 2010.
BEOGRAD – Ambasadori Bara Britaniako ano Beogradi Stiven Vordsvort phengja avdive kaj Špania e Srbia thaj partnerenca kotar Evropaki unia kerela ano lačharibe teksti rezoluciako vaš Kosovo vaš Generalno parlamenti KN. “Špania kerela buti e Srbia thaj evropake partnerenca thaj mangela te keren kompromisi thaj te arakhen forme te resen problemi”, phengja Vordsvort kotar pučipe e žurnalistenge kotar bahami rezluciako savo gatisarela Špania. Vordsvort phengja kaj fundono problemi odova so akti rezoluciako savo Srbia denga nane pherdo e nakhle avazipe e EU. “Majšukar dikhipe sito te cidolpe akanutno akti thaj te lolpe odolesta vaš kote šaj te avazina”, phengja Vordsvort e žurnalistenge ano khedipe kotar akti medisko strategia.
BEOGRAD – Španiako ambasadori ano Beogradi Injigo de Palasio Espanja phengja avdive kaj Špania na gatisargja nisavo nevo akti rezoluciako vaš Kosovo vaš Generalno paralmenti KN. “Špania na gatisargja nisavo nevo akti rezoluciako”, phengja ambasadori vaš agencia Beta, kotar hramibe e mediengo kaj Špania gatisargja varijanta kompromisno rezoluciako sava šaj te ovol prmimi odoja savu Srbia već bičhalgja ano KN. Ov phengja kaj “momenti but haćardo” thaj kaj e evropake partnerenca kerelape ano “arakhibe čaljaribasko reso”.
BRATISLAVA- Šefi slovakiaka diplomatiako Mikulaš Dzurinda phengja e slovakiaka agencia SITA kaj na vakargja kaj Slovakia khonik na ka anavol Kosovo a kaj fundono slovakiako dikhipe kotar odova kaj lela ano dikhipe interesi Beogradesko, Srbiake kaj evropaki perspektiva thaj te ažutinol dijalogi e Priština. “Me khonik na vakargum kaj Slovakia khonik na ka anavol Kosovo. Sajekh vakargam kaj but seriozn ka dikha srbikano interesi thaj avazi e Beogradesko. Kotar odova sa sito lafi”, phengja Dzurinda ano vakeribe savo avdive mothavela SITA. “Manglape te kera buti adjahar kaj Beogradi manglape te paćal kaj logaria thaj dikha seriozno e Srbia ani Evropaki unia a ano jekhvakti te ažutina manglino dijalogi Beogradesko e Priština”, phengja ov. Dzurinda phengja kaj ulavibe jekha etnikaka khupatnako nane ni ano interesi Evropako ni ano interesi reslibe teritorialne bijekhipasko.
BEOGRAD – Vaš jekh berš te kvaš realizuibasko Kanuni kotar lejibe mangin kerdo kriminela jekhvaktea thaj sajekh lelino mangin ano molipe e paše 200 milionia evra, phengja avdive ministri juridikako Srbia Snežana Malović. “Sikavdilo kaj kanuni realizuinelape thaj kaj efikasno vastušea ano maribe opipe organizuimo kriminali”, phengja agenciake Beta Malović thaj phengja kaj majbaro dikhipe sito odova so ano palune šov maseka leline firme save bilegalno kerde lovenca. Oj phengja kaj manglipe Thagarutnako Srbia zoralo thaj bidujgnipasko ano maribe opipe organizuimo kriminali, so ano baro maškaribe sito e daviutnipa thaj MAB sakova dive ini sikavela. Kotar 18 maseka ano realizuibe kanuni, Malović vakargja kaj numa ano paluno masek lilino paše 20 khera tha apartmania.
BEOGRAD – Ministri finansiengo Srbiako Diana Dragutinović phengja avdive kaj elektrika majčače dži agor e beršesko na ka ovol diso but pokuč. “Kotar pokuč elektrika Thagarutni ka vakarol ano fundo bahamesko e Agenciako vaš energetika, savo pana nane dendo”, phengja Dragutinović ani konferencia vaš žurnalistenge kotar hramibe haljovibe vaš krediti Evropaka bankako vaš lačharibe thaj barjaripe e 40 milionia evra vaš Elektroprivreda Srbia.
BEOGRAD – Reprezentatorja Thagarutnake Srbia thaj štar reprezentativno sindikatja edukuibaske ande haljovibe avdive ano avutno jekh berš te oven pobare butikerdutne love ano edukuibe, numa ini dur ačhilo bireslino pučipe vaš kobor ka oven pobare. Palo bešipe e premierea Mirko Cvetković, ministrea finansiengo Diana Dragutivnović thaj ministrea edukuibasko Žarko Obradović ani Thagarutni Srbia, reprezentatorja sindikateske mothavde e žurnalistenge kaj ka oven vakeribe kotar odova kobor o butikerdutne love ano edukuibe ka oven barjarde ano avutno berš.
BEOGRAD – Prezidento Amalipasko e žurnalistengo Srbia Ljiljana Smajlović phengja kaj odova amalipe, khupatne e averenca, ani diskusia kotar akti medisko strategia ka roden čhinibe lejibe kotor e raštrako ano manginutnipe e mediengo. Smajlović e agenciake Beta phengja kaj sa relevantno medisko amalipe ani Srbia anglo lejibe publikaki diskusia kotar keribe medisko strategia angja haljovibe kotar keribe minimum standardja thaj principja savenda na ka ačholpe ani publikaki diskusia. “Ini bi dikhipa tip manginutnipasko, thaj odote kote e raštra dela subvencie e medienge, sa siam opipe oj te lol kotor ano semno forme ano lečharibe jase direkcia ano medie”, phengja Smajlović.
BEOGRAD – Krisipe e grupake e 14 došalutnenge vaš mudaripe sportikana publikako dženo francuskake klubesko Tuluz Bris Taton, ano centri Beogradesko ko nakhlo berš trumimo avdive vaš novembri, sebepi so na ale ispatja. Krisipe anglo Učo krisi ano Beogradi manglape te ovol dži marsi numa e efta ispatenda alo numa jekh – Saša Babić medicinako tehničari savo sine ani intervencia ano Obilećevo drom kana Taton brutalno mardo.
BEOGRAD – Romane bithagarutne organizacie, partie thaj Konsili romane minoritetengo ka adikaren ano savato, 4. septembarea, protestno phiribe ano Beogradi sebepi pratsav e prezidentesko Francuskako Nikola Sarkozi te deportuinol Romen kotar Rumunia thaj Bulgaria ano olenge phuvja, vakardo avdive. “Akhara sa manušen save na siton rasistja thaj anticiganistja te oven amenca. Ani Evropa legardi rasistikani akcia evakuišibaski e Romengi ini ani lumia sito programi anticiganizmi. Odoleske legargjam iniciativa vaš formiribe Miškope vaš jekhipe e Romenca”, phengja ani konferencia vaš žurnalistenge ano Media centri Jordan Vasić kotar Demokratikano amalipe e Romengo. Vasić phengja kaj Roma haćarena diskriminacia ani sa Evropa, numa majbari ani Hungaria kote ko nakhlo berš sine 16 atakja pedo Roma ano save sine šov viktime thaj phengja kaj disave Roma ano Beogradi “dikhenape e dara kaj bageria siton anglo olenge khera”. Jovana Vuković kotar Regionalno centri vaš hakaja minoritetengo zorale denga kritika kotar pratsav Francuskaki te tradol Romen ano olenge phuvja, vakeriba kaj o Roma ani odoja phuv dikhenape e sistematikana stigmatizacia thaj diskriminacia.
Beta
pobut →
