Dikhljaripe e nevipengo ko 14 00h

Savato, 20. decembri 2014.

BEOGRAD – Ani Thagarutni Srbiaki idž adikardo bešipe ano savo diskutuisalo kotar procesi pašipe Evropaka uniake, a sine ini šefi Delegaciako EU ani Srbia Majkl Devenport. Ano bešipe vakardo kaj Thagrutni Srbia sitoj gatisardi vaš evropako drom thaj kaj dikhela te pherol sa obligacie ano procesi pašipe EU. Davenport, sar vakardo, šukar vakargja kotar gatisaripe e Srbiako te kerol Briselsko haljovibe thaj te anol normalizacia e situaciaki ano Kosovo thaj Metohia.

BEOGRAD – Thagarutni srbiaki avazingja idž rebalans e budžetesko vaš 2014. thaj denga ole ano parlamenti sRbiako ano dikhipe pedo sig procesi. Nevo beršesko rebalansi, sar vakardo kotar Thagarutni, bahamimo vaš te “ovol šparibe ano keribe budžeti akale berešesko thaj te ovol vašinaribe ačhile obligaciengo thaj udžulipasko”. Odova sito dujto rebalansi e raštrake budžetesko akale beršesko.

NOVI SAD/BEOGRAD – Thagarutni srbiaki cidingja idž kotar parlamentesko procesi Bahami e kanunesko kotar prmbie thaj pheribe Kanuni kotar khelibe ano lošalipe, soske fondica “Šef” vakargja kaj thagarutne ani Srbia odole kanuneske resoa mangela te anol filtriribe interentesko, mothavela Televizia N1. Fondacia “Šer” sebepi odova cidingja ini kampanja opipe nevo riziko e interneteske tromalipasko ani srbia, sar ini hramibe on lajn peticia. Odoja fondacia vakargja, te sine kaj Parlamenti srbiako avazinela prmibe, šaj te ovol sistemi kontrolako ano interent prekal savo šaj te legarolpe sa talasi cenzuirako bi adekvatna kontrola. Šef fondacia vakarg aini kaj bahamimo prmbie kanunesko dikhela te avazinolpe bi lejiba kotor putarde ano sigurno procesi. Analiza ano sajti Fondacia “Šef” www.shareconference.net

BEOGRAD – Advokatengi komora Srbia mothavgja idž kaj nane čaljardi odole vakeriba e reprezentatorenca Ministribaske e juridikako thaj sa sikavela kaj haljovibe na ka ovol ando. “Anglo bešipe msuaj te vakara kaj phare te arakholpe pozicia vaš savu šaj te vakara kaj optimistikani. Opipe, sa sikavel akja ‘tradicioanalno’ bilačhe relacie –advokaturako – Ministribe juridikako ka lundjarol, te sine pobut”, vakardo ano mothovdipe Komorako ano sajti “Protesti advokatengo”. Repreztentatoria e advokaturengo thaj Minsistribasko lele vakeribe 15. decembarea, lundjarde 17. thja 18. decembarea, a avutno bešipe sito 20. decembarea.

PRIŠTINA – Premieri Kosovako Isa Mustafa vakargja kaj dijalogi e Kosovako thaj srbiako manglape te lundjuarolpe ano putribe ande haljovibasko. Ano intervju vaš Radio Slobodna Evropa Mustafa vakargja kaj bešipe e premierea Srbiako Aleksandar Vučić ano januari avutne beršeste ka ovol šansa vaš maškarpesko pindžaribe thaj putaribe pučipe vaš save ka vaakren ulavde ano 2015. berš. Kosovako premieri vakargja kaj but si umalia save ano tehnikako niveli, vaš save vakargja Edita Tahiri. “Vakargjam kaj ano Kosovo dikhljardo pana pučipe save siton putarde thaj faza ano save siton. Si haljovibe save vakarde ko nakhlo berš thaj akana adžukara te ovol realizuimo, a savo sito kotar civilno arakhibe ani šudri rig e phuvjaki, savi manglape te ovol rasformirimo”, vakargja Mustafa. Prekal oleske lafja, manglape te ovol šuže definišimi khupatna e srbikane komunengi, numa ini te realiziuinolpe ano jekhipe e kanunea thaj Ačhimosea Kosovako. Mustafa vakargja kaj foirmiribe e Specialne krisesko vaš marebasko mudripe zjmavipe ini akana Parlamenti Kosovako manglape te avazinol dokumenti kotar formiribe e krisesko. Ov denga nota kaj šukar so Srpska lista sito kotor e instituciako Kosovo thaj vakarela kaj savore manglape te dikhen maškaribe te ovol lundjardo.

BEOGRAD – Ano Klinikako centri e Srbiako suksesuno agorisardi angluni operacia e binaturake iloa. Vladimir Petkovićeske (54) kotar Pančevo čhivde mehaničko organi savo manglape te ažutinol oleske te adžukarol transplantacia e manušikane iloske, vakardo ano sajti KCS. Operacia sine pobut e štar sahatenda, a tim e 15 dženengo legargja kardihirug Miljko Ristić. Pacijneti e binaturake iloa majbut šaj te djivdinol pandž berša, a palo odova musaj te arakholpe nodori. Molipe e mahničko ilosko savo sito jekhvaktesko prmibe vaš djivdo organi, sito 150,000 evra thaj donacia sito e produktibaske.

VARSSAVA – Kotar Muzeji Aušvic mothavdo kaj kotor e koferengo e viktimengo kotar nakhutno nacistikano logori muklo ano majmoderno lačhardo depo savo ulavde finansiringja Evropaki unia. Portparoli e muzejesko Pavel Savicki vakargja kaj 1.800 konferia siton ano klimatizuimo than e arakhibasta e bara jagata. Pana 2.000 koferia e viktimengo šaj te dikhenpe, numa on adjahar pedi rotacia ka oven ande ano nevo depo. Ano butipa e hramininela kaske siton. Jekh olenda sito e Elzako Sara Uri, jahudiaka lilavnako savi hramingja čhavrikane pustika a savi sine popularno ani Germani ko 1920. berš. Pobut e 1,1 milionia manuš,a butipa evropake Jahudie mudarde ano odova koncentraciono logori ano Dujto lumiako mareba e 1940. dži 1945. berš.

BEOGRAD – Dizakoi menadžeri Beogradesko Goran Vesić vakargja kaj ano gatiasaripe siton neve biletia vaš autobusi, savenda but ka oven potikne molipasta ze akana. “Amen manga e dizutnenge te da šajipe vaš jekha jekh love te istemalkeren autobusia, racionalno, thaj pohari te pokinen”, vakargja Vesić dostuiba ani emisia “Kažiprst” ani Televizia B92. Ano pučipe ka ovol mi ačhavibe e došalipasko pedo kanuni vaš došalipe e dizutnenge save nanolen bileti, ini kaj ombudsmani Saša Janković e Ačhimoseske krisesta rodingja nota ačhimoseski odola praksaki, dizako menadžeri vakargja kaj “rodipe nane jekh sar davia”. “Pratsav kotar odova sito mi diso biačhimosesko, šaj te anol numa Ačhimosesko krisi thaj nijekh aver dženo. Dizutne save arakhenape ano autobusia a nanolen biletia, bipaćavena komunalno rndo thaj ano odova dikhipe ka pokinen doš”, vakargja ov. Vesić vakargja kaj e avutne kurkeste ka lolpe nakhibe e kamionengo prekal nevo putardo Pupinesko purt.

Beta pobut →


2014.12.20
Dikhljaripe e nevipengo ko 14 00h

2014.12.19
Dikhljaripe e nevipengo ko 17 00h

2014.12.19
Dikhljaripe e nevipengo ko 12 00h

2014.12.18
Dikhljaripe e nevipengo ko 12 00h

2014.12.17
Dikhljaripe e nevipengo ko 17 00h

2014.12.17
Dikhljaripe e nevipengo ko 12 00h

2014.12.16
Dikhljaripe e nevipengo ko 17 00h

2014.12.16
Dikhljaripe e nevipengo ko 12 00h

2014.12.15
Dikhljaripe e nevipengo ko 17 00h

2014.12.15
Dikholjaripe e nevipengo ko 12 00h

2014.12.14
Dikhljaripe e nevipengo ko 14 00h

2014.12.13
Dikhljaripe e nevipengo ko 14 00h

2014.12.12
Dikhljaripe e nevipengo ko 17 00h

2014.12.12
Dikhljaripe e nevipengo ko 12 00h

2014.12.11
Dikhljaripe e nevipengo ko 17 00h

2014.12.11
Dikhljaripe e nevipengo ko 12 00h

2014.12.10
Dikhljaripe e nevipengo ko 17 00h

2014.12.10
Dikhljaripe e nevipengo ko 12 00h

2014.12.09
Dikhljaripe e nevipengo ko 17 00h

2014.12.09
Dikhljaripe e nevipengo ko 12 00h

2014.12.08
Dikhljaripe e nevipengo ko 17 00h

2014.12.08
Dikhljaripe e nevipengo ko 12 00h

2014.12.07
Dikhljaripe e nevipengo ko 14 00h

2014.12.06
Dikhljaripe e nevipengo ko 14 00h